Велосипедшілердің қатысуымен болатын жол-көлік оқиғаларының алдын алу мақсатында полиция қызметкерлері өңір тұрғындарына Жол қозғалысы ережелерін қатаң сақтау қажеттігін ескертеді.
— Күннің жылынуымен жолдарда велосипедшілер саны айтарлықтай артады. Жол-көлік оқиғаларының негізгі себептері — қозғалыс қатысушыларының мұқият болмауы, жолды рұқсат етілмеген жерден кесіп өту, түнгі уақытта жарық қайтаратын элементтерсіз жүру, сондай-ақ маневр жасау қағидаларын бұзу, — дейді Павлодар қаласы ПБ ППБ рота командирі Рахим Ибраев.
Велосипедшілерге:
* велосипед жолақтарымен, ал олар болмаған жағдайда жолдың оң жақ шетімен жүру;
* жаяу жүргіншілер өткелінен велосипедті жетектеп өту;
* қараңғы уақытта жарық қайтаратын элементтер мен жарамды жарық құралдарын пайдалану;
* қозғалыс кезінде қауіпсіз жылдамдық пен арақашықтықты сақтау;
* қорғаныс шлемі мен жеке қорғаныс құралдарын қолдану қажет.
Ата-аналарға балалармен жолдағы қауіпсіздік ережелері туралы профилактикалық әңгімелер өткізу және ересектердің қарауынсыз қарқынды көлік қозғалысы маңында велосипед тебуге жол бермеу ұсынылады.
Жолдағы қауіпсіздік әрбір қозғалыс қатысушысының тәртібі мен жауапкершілігіне байланысты.
Ақпарат көзі : https://www.gov.kz/memleket/entities/mvd-pavlodar/press/news/details/1220116?lang=kk
Жауап қалдыру Жауапты болдырмау