2026 жылғы 30 сәуірде ҚР Денсаулық сақтау министрлігі Санитариялық-эпидемиологиялық бақылау комитетінің Көліктегі санитариялық-эпидемиологиялық бақылау департаменті Тараз қаласының СКП бас маманы А.Н. Кенжебаев Международный аэропорт Аулие-Ата қызметкерлерімен «Ауыр жіті респираторлық инфекциялардың (АЖРИ) алдын алу» тақырыбында семинар өткізді. Іс-шара барысында АЖРИ-дің алдын алу шаралары, санитариялық нормаларды сақтау, уақтылы вакцинация алу және эпидемиологиялық қауіпсіздік талаптарын орындаудың маңыздылығы түсіндірілді. Қызметкерлерге инфекцияның таралуын шектеу жолдары, инфекциялық тәуекелдерді ішкі талдау және аурудың өршуіне жол бермеу шаралары туралы ақпарат берілді. Семинар барысында жұмыс орнындағы санитариялық-гигиеналық нормаларды қатаң сақтаудың маңыздылығына ерекше назар аударылды. Қатысушылар өздерін қызықтырған сұрақтарын қойып, практикалық ұсыныстар алды. Өткізілген іс-шара инфекциялық аурулардың алдын алу бағытындағы білім мен кәсіби дағдыларды жетілдіруге ықпал етті.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1221335?lang=kk
Жауап қалдыру Жауапты болдырмау