Микроқаржы омбудсманына қалай жүгінуге болады?

Егер микроқаржы ұйымымен микрокредит бойынша дау туындаса, микроқаржы омбудсманына жүгіне аласыз.

Микроқаржы омбудсманы – бұл қарыз алушылар мен МҚҰ-ға ымыралы шешім табуға көмектесетін тәуелсіз тұлға.

Омбудсман өтiнiштердi өтеусiз қарайды. Оның шешімі МҚҰ-ның орындауы үшін міндетті. Ағымдағы жылдың басынан бастап 30 сәуірдегі жағдай бойынша микроқаржы омбудсманының кеңсесіне 1 537 өтініш келіп түсті, бұдан басқа, телефон арқылы 1500-ден астам кеңес берілді.

Өтінішті қалай беру керек?

• ресми сайт арқылы: mfombudsman.kz
• электронды пошта арқылы: info@mfombudsman.kz
• кеңседе жеке өзі: Алматы қ., Мыңбаев көш., 53-ғимарат, 3-қабат, 321 кеңсе.

Қандай құжаттар қажет?

• омбудсманға жүгіну;
• қарыз алушының толтырылған сауалнамасы (үлгі сайтта қолжетімді);
• жеке басын куәландыратын құжат;
• микрокредит шарты, өтеу кестесі, қосымша келісімдер (бар болған жағдайда);
• микроқаржы ұйымына немесе талап ету құқығы берілген тұлғаға өтініш беру және олардың жауаптары (бар болған жағдайда);
• дербес деректерді өңдеуге және кредиттік есепті алуға келісім.

Микроқаржы омбудсманының байланыс нөмірлері:

+7 (727) 338 22 44

+7 (727) 338 22 25

Еске салайық, Қазақстанда микроқаржы омбудсманы институты 2024 жылдың 21 желтоқсанынан бастап енгізілген болатын.

Қосымша пайдалы материалдарды Fingramota.kz. сайтында алуға болады

 

Сыртқы коммуникациялар басқармасы

press@finreg.kz

Ақпарат көзі : https://www.gov.kz/memleket/entities/ardfm/press/news/details/1221208?lang=kk