Ақтауда балалардың жолдағы қауіпсіздігіне бағытталған түсіндірме жұмыстары өтті
Балалардың қатысуымен болатын жол-көлік оқиғаларының алдын алу және олардың жолдағы қауіпсіздігін қамтамасыз ету мақсатында Ақтау қаласының шағын аудандарында Әкімшілік полиция басқармасының қызметкерлері балалар мен ата-аналарға түсіндірме жұмыстарын жүргізді.
Профилактикалық акция барысында жол қозғалысы ережелерін сақтау, жаяу жүргіншілер өткелінен дұрыс өту, бағдаршам талаптарын орындау және аула ішіндегі қауіпсіздік мәселелері кеңінен түсіндірілді.
Сонымен қатар, ата-аналарға балаларды қараусыз қалдырмау, жолда жүру мәдениетін кішкентай кезінен қалыптастыру және көлік қозғалысы қарқынды аймақтарда ерекше сақ болу қажеттігі ескертілді.
Полиция қызметкерлері балалардың қауіпсіздігі — баршаға ортақ жауапкершілік екенін атап өтті.
https://www.instagram.com/reel/DYZqohysE7X/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1222038?lang=kk

Жауап қалдыру Жауапты болдырмау