Абай облысының көшелері шырт ұйқыда жатқан кезде, учаскелік инспектор Нурқанат Аменбеков өз жұмысын кабинеттен емес, халықпен бірге өткізуден бастайды. Қарапайым көорінетін оның жұмысы сан қырлы: әр сәті бақылау жүргізу, алдын алу шараларын ұйымдастыру және адамдарға түсіндіру жұмыстарын жасауға бағытталған.
Күндізгі шаралар туралы жоспар жасалып, түскен өтініштер мен есептегі тұлғалар сараланады. Қай мәселенің жедел шешуді қажет ететінін анықтау, қай жағдайда алдын алу шараларын күшейту керек екенін белгілеу — күннің алғашқы міндеттері.
Аула, подъезд, пәтерлер — учаскелік инспектордың басты жұмыс алаңы. Мұнда тек құқық бұзушылықтарды тіркеу емес, тұрғындарға түсіндіру, құқықтық білім беру және профилактикалық әңгімелер жүргізу басты мақсат. Әрбір кездесу тұрғындармен тікелей байланыс орнатуға және қоғамдағы сенімді нығайтуға мүмкіндік береді.
Отбасылық жанжалдардан бастап қоғамдық тәртіп бұзушылықтарына дейін, әрбір қоңырау ерекше зейін мен жылдам әрекет етуді талап етеді. Инспектордың шешімі кейде қоғамдық қауіпсіздіктің сақталуына тікелей әсер етеді.
Есепте тұрған тұлғалармен жұмыс — күнделікті міндеттердің маңызды бөлігі. Тексеру, әңгімелесу, тәртіп бұзушылықтың алдын алу — барлығы құқық қорғау практикасының тиімділігін арттырады.
Күн сайынғы еңбектің көрінісі — шешілген мәселелер, алды алынған құқық бұзушылықтар және тұрғындардың артқан сенімі. Учаскелік инспектордың қызметі тек заң бұзушылықтарды тіркеу емес, қоғаммен бірге өсіп, тұрақтылықты қамтамасыз ету.
«Біздің жұмысымыздың мәні — әрбір тұрғынның қауіпсіздігі мен сенімін сақтау. Күн сайынғы кездесулер мен профилактикалық әңгімелер — қоғамдағы тәртіптің басты кепілі», — дейді Аменбеков Нурқанат.
Учаскелік инспектордың қызметі сырт көзге қарапайым көрінуі мүмкін, алайда оның артында зор жауапкершілік, жылдам шешім қабылдау қабілеті және халықпен сенімді байланыс жатыр.
Ақпарат көзі : https://www.gov.kz/memleket/entities/mvd-abay/press/news/details/1222895?lang=kk
Жауап қалдыру Жауапты болдырмау