Ақтау қалалық қоғамдық даму орталығымен бірлесе ұйымдастыруымен Ақтау технологиялық қызмет көрсету колледжінде студент жастармен «Заң мен тәртіп» қағидаты аясында профилактикалық кездесу өткізілді. Іс-шара барысында суицид, лудомания және нашақорлықтың алдын алу мәселелері кеңінен талқыланды.
Аталған шараға спикер ретінде Маңғыстау облысы бойынша ҚАЖ департаментінің сотталғандар арасында тәрбие және әлеуметтік-психологиялық жұмыс жөніндегі бөлімінің бас маманы Ерлан Мукишов және №77 мекемесінің инспектор-психологы Тоғжан Жиембаева қатысты.
Кездесу барысында жастарға құқықтық сауаттылық, өмірлік жауапкершілік және зиянды әдеттердің салдары туралы түсіндіру жұмыстары жүргізілді.
Сонымен қатар, іс-шара аясында телекөпір форматында мекемеде жазасын өтеуші азаматпен байланыс орнатылып, оның өмірлік тәжірибесі арқылы құқық бұзушылықтың салдары нақты көрсетілді.
Шараның мақсаты – жастар арасында құқық бұзушылықтың алдын алу және саналы өмірлік ұстанымды қалыптастыру.
Ақпарат көзі : https://www.gov.kz/memleket/entities/duis-mangystau/press/news/details/1221827?lang=kk
Жауап қалдыру Жауапты болдырмау