Бірінші сыныпқа құжат қабылдау 27 мамырда басталып 31 тамызға дейін жалғасады.

Бірінші сыныпқа құжат қабылдау 27 мамырда басталып 31 тамызға дейін жалғасады.
Қажетті құжаттар тізімі:
1. Өтініш.
2. Жеке басын растайтын құжат (түпнұсқасы сәйкестендіру үшін қажет, ол көрсетілетін қызметті алушыға қайтарылады) немесе цифрлық құжаттар сервисінен алынған электрондық құжат.
3. «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы ҚР ДСМ-175/2020 бұйрығымен бекітілген № 065/у «Профилактикалық екпелер картасы» нысанындағы және № 052-2/у «Бала денсаулығы паспорты» нысанындағы медициналық анықтамалар (нормативтік құқықтық актілерді мемлекеттік тіркеу тізілімінде № 21579 тіркелген).
4. Баланың 3х4 см өлшеміндегі цифрлық фотосуреті.
Өтініштер дүйсенбіден жұмаға дейінгі жұмыс күндері қабылданады.
Мектепалды даярлықтан сол білім беру ұйымында өткен және оқуын жалғастыруға ниет білдірген балалар ата-анасының немесе заңды өкілінің өтініші негізінде бірінші сыныпқа автоматты түрде қабылданады.
Қазақстан Республикасының Жасанды интеллект және цифрлық даму министрлігімен бірлесіп, өтініштерді өңірлер бойынша кезең-кезеңімен қабылдау тетігі енгізіледі.

Ақпарат көзі : https://www.gov.kz/memleket/entities/bilim-semey/press/news/details/1223393?lang=kk