Елді мекендердің санитарлық жағдайын жақсарту және тұрғындардың экологиялық мәдениетін қалыптастыру мақсатында өңір аумағында «Таза Қазақстан» республикалық экологиялық акциясы аясында рейдтік іс-шаралар тұрақты түрде жүргізіліп келеді. Жыл басынан бері атқарылған жұмыстардың нәтижесінде елді мекендерді абаттандыру қағидаларын бұзудың 1127 фактісі анықталды. Сондай-ақ, қоғамдық орындарды ластағаны үшін 100-ге жуық құқық бұзушы әкімшілік жауапкершілікке тартылды. Анықталған заң бұзушылықтардың басым бөлігі жеке тұлғаларға қатысты болса, 50-ге жуық әкімшілік материал кәсіпкерлік нысандары мен заңды тұлғаларға байланысты рәсімделген. Қазіргі уақытта полиция нарядтары жеке секторларда, көпқабатты үйлердің аулаларында және халық көп жиналатын демалыс орындарында бақылауды күшейтті. Сондай-ақ, тәртіп бұзушылықтар Жедел басқару орталығының бейнебақылау камералары арқылы тәулік бойы қадағалануда. Полиция департаменті азаматтарды тазалықты сақтауға, қоқыс пен құрылыс қалдықтарын тек арнайы белгіленген орындарға тастауға шақырады. Қоғамдық тәртіпке бейжай қарамау — баршамызға ортақ міндет.
Ақпарат көзі : https://www.gov.kz/memleket/entities/mvd-ulytau/press/news/details/1222980?lang=kk
Жауап қалдыру Жауапты болдырмау