2026 жылдың 14 мамырында Жамбыл облысы бойынша тексеру комиссиясының кезекті отырысы өткізілді. Отырыста бекітілген күн тәртібіне сәйкес облыстық бюджеттің 2025 жылғы орындалуын кейіннен бағалау бойынша өткізілген сараптамалық-талдамалық іс-шарасының қорытындысы қаралды.
2025 жылы облыстық бюджетке жалпы түсімдердің нақты орындалуы 747 699,9 млн. теңгені немесе 100%-ды құрады. Бюджет түсімдерінің едәуір бөлігі республикалық бюджеттен субвенциялар мен трансферттерден есебінен қалыптастырылған, жалпы көлемінің шамамен 84,7%-ын құрайды. Осылайша, республикалық бюджеттен берілетін нысаналы трансферттер Жамбыл облысының әлеуметтік-экономикалық проблемаларын шешудің басты көзі болып қала беруде.
2025 жылға арналған облыстық бюджеттің шығыстарының нақты орындалуы 747 132,2 млн. теңгені немесе 99,7%-ды құрады. Бюджеттік бағдарлама әкімшілерінің тараптарынан жергілікті бюджеттің негізгі параметрлеріне бірнеше мәрте жүргізілген нақтылаулар мен түзетулерге қарамастан, жекелеген бюджеттік бағдарламалар әкімшілері бойынша қомақты қаражатты игермеуге жол берілген.
Жүргізген талдау және бағалау нәтижелері бюджет қаражатын жоспарлау және пайдалану тиімділігін жетілдіруді қажет ететінін көрсетті.
Отырыстың қорытындысында Тексеру комиссиясының тиісті қаулысы қабылданды.
Ақпарат көзі : https://www.gov.kz/memleket/entities/revkomzhambyl/press/news/details/1224047?lang=ru
Жауап қалдыру Жауапты болдырмау