Бүгін, 2026 жылғы 19 мамырда Қостанай қалалық мәслихатының төрағасы Омарғали Байғабыловтың төрағалығымен сегізінші шақырылған Қостанай қалалық мәслихатының кезектен тыс сессиясы өтті.

Сессия жұмысына Қостанай қаласының Аудандық сайлау комиссиясының төрағасы Шарипова Сания және «Қостанай қаласы әкімдігінің Экономика және бюджеттік жоспарлау бөлімі» мемлекеттік мекемесінің басшысы Турлубекова Наталья қатысты.

Күн тәртібінде тұрақты комиссиялардың отырысында алдын ала қаралып, сессияға бекітуге енгізілген 2 мәселе бекітілді.

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 20-бабының 3-тармағына сәйкес, жеке өтініші негізінде Қостанай қалалық мәслихатының №16 бірмандатты сайлау округі бойынша депутаты Игимбаева Ольга Владимировнаның Қостанай қаласынан тыс жерге тұрақты тұруға көшіп кетуіне байланысты өкілеттігі тоқтатылды. Бұл мәселе депутаттардың бірауызды шешімімен бекітілді.

Сонымен қатар, мәслихаттың 2025 жылғы 26 желтоқсандағы №208 «Қостанай қаласының 2026-2030 жылдарға арналған даму жоспарын бекіту туралы» шешіміне өзгерістер енгізілді. Бұл мәселе депутаттардың көпшілік дауысымен бекітілді.

Қосымша хабарлаймын, Қостанай қаласының Аудандық сайлау комиссиясының 2026 жылғы 12 мамырдағы №6 қаулысына сәйкес, №3 бірмандатты сайлау округі бойынша депутат Павленко Дмитрий Ивановичтің «AMANAT» саяси партиясынан шығарылуына байланысты (партия мүшелігі 2026 жылғы 8 мамырдағы №5pq қаулысымен тоқтатылды), депутаттың өкілеттігін мерзімінен бұрын тоқтатуға негіз болатын жағдайдың туындағандығы анықталды, ол Қазақстан Республикасының «Қазақстан Республикасындағы сайлау туралы» Конституциялық Заңына сәйкес сол партиядан сайланған болатын.

Ақпарат көзі : https://www.gov.kz/memleket/entities/maslihat-kostanay-city/press/news/details/1223578?lang=ru