Астанада Мемлекет басшысы Қасым-Жомарт Тоқаевтың қатысуымен «Алтын Орда – дала өркениетінің моделі: тарих, археология, мәдениет, бірегейлік» атты халықаралық симпозиумның ашылу рәсімі өтті.
ЮНЕСКО-ның қамқорлығымен өтіп жатқан ауқымды халықаралық форум Жошы ұлысының тарихи мұрасын және оның Орталық Еуразия кеңістігіндегі өркениеттік үдерістерді қалыптастырудағы рөлін жан-жақты зерделеу үшін жетекші отандық және шетелдік ғалымдарды, сарапшыларды және халықаралық ғылыми қауымдастық өкілдерін біріктірді.
Салтанатты рәсім барысында ЮНЕСКО Бас директоры орынбасарының міндетін атқарушы Элунду Ассомо Лазар сөз сөйлеп, Алтын Орданың мәдениеттер арасындағы өзара ықпалдастықтың бірегей кеңістігі ретіндегі тарихи маңызын атап өтті.
Форумға қатысушылар тарихты зерттеу тек өткенді еске сақтау ғана емес, сонымен қатар қазіргі үдерістерді тереңірек түсінуге және орнықты болашақ қалыптастыруға бағытталатынын атап өтті. Сенімсіздіктің артуы мен бөлінуші үрдістердің күшеюімен байланысты жаһандық сын-қатерлер жағдайында Алтын Орда мен Жібек жолының тарихы мәдениеттер өзара ықпалдастық, алмасу және ашықтық арқылы нығая түсетінінің айқын мысалы ретінде қарастырылады.
Халықаралық симпозиумның өткізілуі ғылыми ынтымақтастықты нығайтуға, пәнаралық зерттеулерді дамытуға және Ұлы даланың тарихи-мәдени мұрасын халықаралық деңгейде ілгерілетуге арналған маңызды алаңға айналды.
Ақпарат көзі : https://www.gov.kz/memleket/entities/shymkent-din/press/news/details/1224044?lang=ru
Жауап қалдыру Жауапты болдырмау