Екіжақты келіссөздердің қорытындысы бойынша Президент Қасым-Жомарт Тоқаев пен Кения Президенті Уильям Руто Бірлескен мәлімдеме қабылдады, деп хабарлайды Ақорданың баспасөз қызметі. Сондай-ақ, Мемлекеттер басшыларының қатысуымен ресми делегациялардың мүшелері түрлі саладағы әріптестікті нығайтатын маңызды құжаттарға қол қойды.
Келісімдер цифрлық технологиялар, көлік және логистика, туризм, инвестиция, ғарыш саласы мен халықаралық қаржы бағыттарын қамтыды. Әсіресе ICT және электрондық үкімет саласындағы меморандум екі ел арасындағы цифрландыру тәжірибесін алмасуға мүмкіндік береді. Сонымен қатар көлік саласындағы келісімдер Қазақстан мен Африка елдері арасындағы транзиттік және сауда байланыстарын дамытуға жол ашады.
Туризм, ғарыш технологиялары және инвестициялық ынтымақтастыққа қатысты құжаттар да ерекше маңызға ие. «Астана» халықаралық қаржы орталығы мен Найроби халықаралық қаржы орталығы арасындағы өзара түсіністік туралы меморандум халықаралық қаржы байланыстарын кеңейтуге ықпал етеді. Ал «Kazakh Invest», «QazTrade» және сауда-өнеркәсіп палаталары арасындағы келісімдер екіжақты сауда көлемін арттыруға негіз болады.
Бұл мемлекеттік сапар Қазақстанның Африка елдерімен байланысын күшейтуге бағытталған сыртқы саясатының нақты көрінісі болды. Қазақстан мен Кения арасындағы жаңа келісімдер экономикалық серіктестікті тереңдетіп қана қоймай, білім, технология және инвестиция салаларындағы өзара ықпалдастықты жаңа деңгейге көтереді.
Ақпарат көзі : https://www.gov.kz/memleket/entities/aktobe-uil-oyil/press/news/details/1224594?lang=ru
Жауап қалдыру Жауапты болдырмау