Жаз мезгілінің басталуына байланысты Жетісу облысында су айдындарындағы жаппай демалыс кезеңі басталады. Өңір аумағында тұрғындардың қауіпсіз әрі жайлы демалысы үшін суға шомылуға және демалуға арналған 4 ресми орын белгіленді. Атап айтқанда, Талдықорған қаласының қалалық жағажайы, Алакөл ауданындағы Ақши және Көктұма жағалаулары, сондай-ақ Сарқан ауданындағы Балқаш көлінің жағалауы.
Шомылу маусымы ресми түрде ағымдағы жылдың 1 маусымында басталады. Осыған байланысты тұрғындарға қарапайым қауіпсіздік ережелерін қатаң сақтауды ескертеміз:
– тек рұқсат етілген және арнайы жабдықталған жағажайларда шомылу;
– балаларды су айдындарының жағасында қараусыз қалдырмау;
– алкогольдік масаң күйде суға түспеу;
– буймен белгіленген қауіпсіз аймақтан аспау;
– жүзу құралдарын пайдалану (құтқару кеудешесі және т.б.);
– су айдындарындағы ескерту белгілеріне назар аудару.
Судағы қауіпсіздік ережелерін бұзған немесе орындамаған жағдайда азаматтар Қазақстан Республикасының Әкімшілік құқық бұзушылық туралы кодексінің 412-бабына сәйкес әкімшілік жауапкершілікке тартылады.
Құрметті тұрғындар! Судағы қауіпсіздік — әр адамның жеке жауапкершілігі. Қарапайым қауіпсіздік ережелерін сақтау арқылы сіз өз өміріңізді және жақындарыңыздың өмірін сақтай аласыз.
Төтенше жағдай туындаған жағдайда дереу 112 нөміріне хабарласыңыз.
Ақпарат көзі : https://www.gov.kz/memleket/entities/emer-zhetisu/press/news/details/1224619?lang=ru
Жауап қалдыру Жауапты болдырмау