2026 жылғы 20 мамырда Тараз қаласындағы «Әулие-Ата» халықаралық әуежайы» АҚ аумағында өзара іс-қимыл жасайтын қызметтер мен ұйымдардың қатысуымен оқу-жаттығу өткізілді. Оқу-жаттығуды Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің Көліктегі санитариялық-эпидемиологиялық бақылау департаменті, Тараз қаласының санитариялық-карантиндік пункті және бас маман А.Н. Кенжебаев ұйымдастырып, «Жамбыл бөлімшелік көліктегі санитариялық-эпидемиологиялық бақылау басқармасы» РММ, әуежай қызметтері, медициналық ұйымдар және өзге де мүдделі құрылымдармен бірлесіп өткізді. Іс-шараның мақсаты — аса қауіпті инфекцияға күдікті науқас анықталған жағдайда қызметтердің бірлескен іс-қимыл алгоритмін пысықтау, сондай-ақ Конго-Қырым геморрагиялық қызбасының таралуының алдын алу бойынша бастапқы эпидемияға қарсы шараларды ұйымдастыру болды. Оқу-жаттығу барысында жедел хабарлау жүйесі, санитариялық-карантиндік іс-шараларды ұйымдастыру, эпидемиологиялық анамнез жинау, байланыста болған тұлғаларды анықтау, шартты науқасты эвакуациялау, арнайы қызметтердің сүйемелдеуі және әуе кемесіне қорытынды дезинфекция жүргізу тәртібі пысықталды. Қатысушылар өзара үйлесімді әрекет етіп, төтенше санитариялық-эпидемиологиялық жағдай кезіндегі жедел әрекет етуге дайын екендіктерін көрсетті. Оқу-жаттығу қорытындысы бойынша өзара іс-қимыл жасайтын қызметтердің эпидемияға қарсы іс-шараларды тиімді орындауға және әуежай аумағында санитариялық-эпидемиологиялық қауіпсіздікті қамтамасыз етуге дайын екендігі атап өтілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1225043?lang=ru
Жауап қалдыру Жауапты болдырмау