БАҚЫЛАУДАН СЕРІКТЕСТІККЕ: МЕКТЕПІШІЛІК БАҚЫЛАУДЫҢ ЖАҢА КӨЗҚАРАСЫ

БАҚЫЛАУДАН СЕРІКТЕСТІККЕ: МЕКТЕПІШІЛІК БАҚЫЛАУДЫҢ ЖАҢА КӨЗҚАРАСЫ

2026 жылғы 5 мамырда №1 мектеп-лицей базасында директордың оқу ісі жөніндегі орынбасарларының облыстық әдістемелік бірлестігі аясында семинар өткізілді. Аталған мектептің директор орынбасарларының үйлесімді әрі командалық жұмысының арқасында семинар креативтілігімен және жанды, интерактивті форматымен ерекшеленді.

«Қысымсыз мектепішілік бақылау: қадағалаушы емес, серіктес болу» – семинар тақырыбы. Негізгі назар мектепішілік бақылауға заманауи көзқарасқа аударылды.

Семинар бағдарламасы заманауи форматтарға негізделді:
🔹 кейс-сессиялар;
🔹 әдістемелік квиз;
🔹 практикалық тапсырмалар;
🔹 тренинг элементтері.

Семинардың мазмұнында мектепішілік бақылау жүйесі оқу-тәрбие процесінің барлық бағыттары арқылы кешенді түрде қарастырылды:
оқу, әдістемелік, тәрбие, цифрлық және психологиялық сүйемелдеу аспектілері қамтылды.

Қатысушылар тек тыңдаушы емес, белсенді қатысушы ретінде тәжірибе алмасып, нақты құралдармен жұмыс жасады.

Мұндай формат кәсіби дамуды жандандырып, тиімді шешімдер қабылдауға мүмкіндік берді. Семинар серіктестік, қолдау және ашық диалог алаңына айналды.

Ақпарат көзі : https://www.gov.kz/memleket/entities/kostanai-bilim/press/news/details/1225455?lang=ru