2026 жылғы 1 сәуірден бастап елімізде алғаш рет балалар сауықтыру орталықтарын лицензиялау жүйесі енгізілді. Бұл балалардың жазғы демалысын қауіпсіз әрі сапалы ұйымдастыруға бағытталған.
Негізгі талаптар:
• білім беру және сауықтыру бағдарламалары;
• білікті педагогтар мен медицина қызметкерлері;
• санитарлық талаптардың сақталуы;
• қауіпсіздік жүйелері;
• материалдық-техникалық базаның стандартқа сәйкестігі.
Лицензия 5 жылға беріледі. Бұл ұйымдардың тұрақты жұмыс істеуіне және бақылауды жүйелі жүргізуге мүмкіндік береді.
Жаңа жүйе қауіпсіздік талаптарына сәйкес келмейтін бейресми лагерьлер қызметін шектеуге бағытталған.
Қазіргі уақытта өңірлерде ведомствоаралық штабтар жұмыс жүргізуде, ал білім саласында сапаны қамтамасыз ету департаменттері лагерьлерді лицензиялау жұмыстарын жүзеге асырады.
Қабылданған шаралар балалардың қауіпсіз әрі сапалы демалысын қамтамасыз етуге мүмкіндік береді.
Ақпарат көзі : https://www.gov.kz/memleket/entities/control-abay/press/news/details/1226732?lang=ru
Жауап қалдыру Жауапты болдырмау