Әуезов ауданында балалар қауіпсіздігі мәселелері бойынша көшпелі кеңес өтті

Әуезов ауданы прокуратурасы мен әкім аппараты бастамасымен жазғы кезеңде балалардың қауіпсіздігін қамтамасыз етуге арналған көшпелі кеңес өтті.

Кеңеске  аудан әкімінің аппараты, прокуратура, ТЖД, полиция, білім беру, санитариялық-эпидемиологиялық бақылау, коммуналдық қызметтер және өзге де жауапты мемлекеттік органдардың өкілдері қатысты.

Жиында су айдындары маңындағы балалар қауіпсіздігі, ойын алаңдарында, саябақтарда және тұрғын секторда жарақаттанудың алдын алу, сондай-ақ жазғы демалыс кезеңіндегі қосымша шаралар талқыланды.

Жауапты қызметтерге су айдындарын патрульдеуді күшейту, қауіпті орындарға ескерту белгілерін орнату және тұрғындар арасында түсіндіру жұмыстарын жандандыру тапсырылды.

Әуезов ауданы әкімінің аппараты, прокуратура және жауапты органдармен бірлесіп, балалар қауіпсіздігін қамтамасыз ету бағытындағы профилактикалық жұмысты жалғастырады.

Толығырақ: https://www.instagram.com/reel/DYrVj_GM6EU/?igsh=bDJrYm0ybDM2N2wx 

Ақпарат көзі : https://www.gov.kz/memleket/entities/almaty-auezov/press/news/details/1227064?lang=ru