21 мамыр — Мәдениет және өнер қызметкерлері күніне орай Әуезов ауданындағы «Шыңға өрлеу» әлеуметтік клубының №1 бөлімшесінде «Мәдениет – тәрбиенің бастауы» тақырыбында мерекелік концерт өтті.
Іс-шараға клуб тәрбиеленушілері мен олардың ата-аналары қатысты. Бағдарлама барысында балалар би билеп, ән айтып, өлең оқып, ұлттық өнер үлгілерін көрсетті. Сондай-ақ қазақтың шертер аспабында күй орындалып, «Ортеке билету дәстүрі» таныстырылды.
Мерекелік концерт балалардың шығармашылық қабілетін дамытуға, ұлттық мәдениетке деген қызығушылығын арттыруға және өнер арқылы тәрбие беруге бағытталды.
Іс-шара соңында тәрбиеленушілер «Атамекен» хорын орындап, көрермендерге ерекше көңіл-күй сыйлады.
Ақпарат көзі : https://www.gov.kz/memleket/entities/almaty-auezov/press/news/details/1227001?lang=ru
Жауап қалдыру Жауапты болдырмау