ШҚО-дағы Ұлан және Шемонаиха аудандарында «Халық әуені» гастрольдік туры аясында концерттер өтті

«Халық әуені» өнер керуені Қазақстан Республикасы Мәдениет және ақпарат министрлігінің және жергілікті атқарушы органдардың қолдауымен өтуде.

Ұлан ауданының Қасым Қайсенов кентіндегі Мәдениет үйінде өткен концерттік бағдарламада қазақтың ұлы композиторлары мен күйші-сазгерлері – Құрманғазы, Тәттімбет, Дәулеткерей, Ықылас, Дина Нұрпейісованың шығармалары, халық әндері, Шәмші Қалдаяқовтың туындылары және әлемдік классика шығармалары орындалды.

Шемонаиха ауданында тұрғындар мен қонақтардың назарына бас дирижер Дастан Ибрагимовтың жетекшілігімен Қазақ мемлекеттік симфониялық оркестрі өнер көрсетті. Кештің ерекше атмосферасын баритон Азат Мәлік пен опера әншісі Лаура Құмарханованың жоғары кәсіби шеберлікпен орындаған туындылары айшықтай түсті.

Мұндай іс-шаралар мәдениетті дамытуға, отандық өнерді насихаттауға елеулі үлес қосады.

Ақпарат көзі : https://www.gov.kz/memleket/entities/akimvko/press/news/details/1227120?lang=ru