Бестамақ ауылында орналасқан Бестамақ орта мектебі өзінің 50 жылдық мерейтойын кең көлемде атап өтті.

Жарты ғасырлық тарихы бар білім ордасының мерейтойлық шарасына мектеп ардагерлері, ұстаздар, түлектер, ауыл тұрғындары мен қонақтар қатысты.
Іс-шара барысында мектептің қалыптасу тарихы мен жетістіктері айтылып, білім саласына үлес қосқан ардагер ұстаздарға құрмет көрсетілді. Сондай-ақ, мектеп түлектері мен қонақтар жүрекжарды лебіздерін білдіріп, білім ордасына ізгі тілектерін арнады.
Мерекелік кеш концерттік бағдарламамен жалғасып, оқушылар мен өнерпаздардың қатысуымен әсерлі қойылымдар ұсынылды.
50 жылдық мерейтой — мектеп ұжымы үшін ғана емес, бүкіл ауыл тұрғындары үшін маңызды тарихи оқиға болды. Бүгінде Бестамақ орта мектебі сапалы білім мен тәрбие беріп, талай шәкіртті үлкен өмірге қанаттандырып келеді.

Ақпарат көзі : https://www.gov.kz/memleket/entities/aktobe-alga-bestamaq/press/news/details/1227795?lang=ru