Балқаш көлі жағалауында жол құрылысы қарқынды жүргізілуде

Балқаш көлі жағалауының оң жақ бөлігінде жол салу жұмыстары жалғасуда. Қазіргі таңда жалпы ұзындығы 10 шақырымға жуық жолдың негізі дайындалып, қатты жабынды асфальт төсеу жұмыстары жүргізілуде.

Жоба аясында жол инфрақұрылымын толықтай жаңарту көзделген. Сонымен қатар, қажетті инфрақұрылымдық элементтерді орнату жұмыстары қатар атқарылуда.

Құрылыс жұмыстарын маусым айына дейін толық аяқтап, пайдалануға беру жоспарлануда. Жаңа жол жағалау аумағының қолжетімділігін арттырып, тұрғындар мен демалушылар үшін қолайлы жағдай жасауға мүмкіндік береді.