Қан қызметі объектілерін ұстауға қойылатын санитариялық-эпидемиологиялық талаптар Қазақстан Республикасы Денсаулық сақтау министрінің 2020 жылғы 11 тамыздағы № ҚР ДСМ-96/2020 бұйрығымен (бұдан әрі – Санитариялық талаптар) реттеледі. Аталған талаптардың негізгі мақсаты – донорлардың, медицина қызметкерлерінің және қан реципиенттерінің қауіпсіздігін қамтамасыз ету.
Санитариялық талаптарға сәйкес, қан қызметі объектілері санитариялық нормаларға сәйкес келетін, сумен жабдықтау, кәріз, желдету және жарықтандыру жүйелерімен қамтамасыз етілген ғимараттар мен үй-жайларда орналастырылуы тиіс. Үй-жайлардың жоспарлануы таза және ластанған материалдар ағындарының қиылысуын болдырмауы, сондай-ақ эпидемияға қарсы режимнің сақталуын қамтамасыз етуі қажет.
Үй-жайлардың санитариялық жағдайына ерекше назар аударылады. Барлық бөлімшелерде рұқсат етілген дезинфекциялау құралдарын қолдана отырып, күнделікті ылғалды тазалау жүргізіледі, сондай-ақ бекітілген кестеге сәйкес жалпы тазалау жұмыстары атқарылады. Медициналық жабдықтар мен беткейлер тұрақты түрде дезинфекцияланып, стерилизациядан өткізіледі.
Қан мен оның компоненттерін сақтау кезінде температуралық режимнің сақталуы және тоңазытқыш жабдықтарының көрсеткіштерін тұрақты бақылау міндетті болып табылады. Донорлық қан ВИЧ-инфекциясы, В және С вирустық гепатиттері, мерез және қан арқылы берілетін басқа да инфекцияларға міндетті зертханалық тексеруден өткізіледі.
Қан қызметі объектілерінің медицина қызметкерлері жеке гигиена қағидаларын сақтауға, жеке қорғаныш құралдарын пайдалануға және міндетті медициналық тексерулерден өтуге міндетті. Медициналық қалдықтар Қазақстан Республикасының санитариялық талаптарына сәйкес жиналып, залалсыздандырылып және кәдеге жаратылады.
Санитариялық-эпидемиологиялық талаптарды сақтау қан мен оның компоненттерін дайындау, өңдеу, сақтау және тасымалдау процестерінің қауіпсіздігін қамтамасыз етеді, сондай-ақ инфекциялық аурулардың таралуының алдын алуға ықпал етеді.
Ақпарат көзі : https://www.gov.kz/memleket/entities/departament-kkbtu-almaty/press/news/details/1228489?lang=ru
Жауап қалдыру Жауапты болдырмау