Ақтау қаласының «Маңғыстау Арена» спорт кешенінде самбодан жасөспірімдер арасында Азия және Океания чемпионаты өтті. 14 мемлекеттен 500-ден астам кіл мықты спортшы бақ сынасқан дүбірлі додада еліміздің намысын қорғаған жас палуандарымыз ерекше өнер көрсетіп, ел қоржынына жүлде салды!
Атап айтсақ, Ы.Алтынсарин атындағы тірек мектебі жанындағы интернаттың 10-сынып оқушылары халықаралық аренада биіктен көрінді:
🥇 Ішікбай Ерсұлтан — 71 келі салмақ дәрежесінде қарсылас шақ келтірмей, Азия және Океания чемпионы атанды!
🥈 Алтаев Ибрахим — 64 келі салмақ дәрежесінде боз кілемде барын салып, күміс медальді иеленді!
Жас чемпиондарды додаға шеберлікпен баптап қосқан жетекшісі, білікті бапкер — Жампейсов Асылбек Бакытбекович.
Аудан абыройын асқақтатып, көк туымызды желбіреткен жас спортшыларымыз бен олардың тәлімгерін жарқын жеңістерімен құттықтаймыз! Додалы жарыстарда бағындырар биіктеріңіз көп болсын!
Ақпарат көзі : https://www.gov.kz/memleket/entities/karaganda-shet/press/news/details/1228297?lang=ru
Жауап қалдыру Жауапты болдырмау