2026 жылғы 28 мамырда Астана қаласының санитариялық-карантиндік бақылау бөлімінің мамандары Қазақстан Республикасы Ұлттық қауіпсіздік комитеті Шекара қызметінің шекаралық бақылау бөлімшесінің қызметкерлеріне «Конго–Қырым геморрагиялық қызбасының алдын алу» тақырыбында оқыту семинарын өткізді. Семинар барысында қатысушыларға аурудың жұғу жолдары, негізгі белгілері және алдын алу шаралары туралы ақпарат берілді. Мамандар жеке бас гигиенасын сақтау, жеке қорғаныш құралдарын дұрыс пайдалану және күдікті белгілер пайда болған жағдайда медициналық көмекке дер кезінде жүгіну қажеттілігіне ерекше назар аударды. Іс-шара қорытындысы бойынша қатысушыларға аурудың алдын алу және жұқтыру қаупін төмендету бойынша практикалық ұсынымдар қамтылған ақпараттық жадынамалар таратылды. Мұндай оқыту іс-шаралары санитариялық-эпидемиологиялық сауаттылықты арттыруға және халық денсаулығын сақтауға бағытталған профилактикалық жұмыстардың тиімділігін күшейтуге ықпал етеді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1231442?lang=ru
Жауап қалдыру Жауапты болдырмау