2026 жылғы 8 маусымда Целиноград ауданының әкімі Дарын Сабырғалиұлы Оразақ Шалқар, Мәншүк Мәметова және Жалғызқұдық ауылдарының тұрғындарымен есептік кездесу өткізді.
«Ашық микрофон» форматында өткен кездесуде тұрғындар ауылдардың әлеуметтік-экономикалық дамуына қатысты өзекті мәселелерді көтеріп, ұсыныс-пікірлерін ортаға салды. Атап айтқанда, ауыл ішіндегі жолдарды жөндеу, көшелерді жарықтандыру, спорт инфрақұрылымын дамыту, абаттандыру және коммуналдық қызметтердің сапасын арттыру мәселелері талқыланды.
Аудан әкімі әрбір тұрғынның пікіріне мұқият құлақ асып, қойылған сұрақтарға жан-жақты жауап берді. Көтерілген мәселелер бойынша жауапты бөлімдер мен мекемелерге нақты тапсырмалар беріліп, олардың орындалуы бақылауға алынды.
Мемлекет басшысы айқындаған «Халық үніне құлақ асатын мемлекет» қағидаты аясында тұрғындармен тұрақты әрі ашық диалог жүргізу аудан әкімдігі жұмысының басым бағыттарының бірі болып қала береді.
Тұрғындардың ұсыныстары мен өтініштері қолданыстағы заңнама талаптарына сәйкес кезең-кезеңімен қаралып, жүзеге асырылатын болады. Бірлескен жұмыс пен өзара түсіністік қана ауылдардың тұрақты дамуы мен халықтың өмір сүру сапасын арттыруға мүмкіндік береді.
Ақпарат көзі : https://www.gov.kz/memleket/entities/aqmola-selinograd/press/news/details/1236998?lang=ru
Жауап қалдыру Жауапты болдырмау