2026 жылғы 22 мамыр күні 1 маусым – Балаларды қорғау күніне арналған Астана қаласы Махамбет Өтемісұлы атындағы оқушылар сарайында қалалық бала құқығы жөніндегі омбудсмендеріне арналған «Қауіпсіз жаз – бақытты балалық шақ кепілі» тақырыбындағы кездесу өтті.
Кездесуге Астана қаласының Бала құқықтары жөніндегі уәкілі Бимендина Әсима Темкеқызы, Балалардың құқықтарын қорғау басқармасының басшысы Әділбай Серік Тәукеұлы, «Талар» КеАҚ президентінің кеңесшісі, ҚР бала құқықтарын қорғау жөніндегі бұрынғы уәкіл, студент Захаренко Руслан Мумиджанұлы және оқу әдістемелік орталық әдіскерлері қатысты.
Кездесудің мақсаты – жазғы демалыс кезінде балалардың қауіпсіздігін қамтамасыз ету, құқықтық және психологиялық қолдау көрсету, төтенше жағдайлардың алдын алу.
Сонымен қатар, омбудсмен оқушыларға «Заң мен тәртіп» қағидаты, отбасы құндылықтары, тәрбие мен қауіпсіздік мәселелері бойынша маңызды ақпараттар берілді.
Іс шара барысында оқушылар өз ойларымен бөлісіп, сұрақ жауап алаңы ұйымдастырылды. Жазғы демалыс кезіндегі қауіпсіздік туралы арнайы жадынама таныстырылды.
Ақпарат көзі : https://www.gov.kz/memleket/entities/balaqorgau-astana/press/news/details/1235903?lang=ru
Жауап қалдыру Жауапты болдырмау