Бала күлкісі – болашаққа ашылған кілт

«Анашым, сен неге бақыттысың білесің бе?
Себебі сенде біз бармыз…»

Бұл – бала жүрегінің ең шынайы, ең таза жауабы. Бұл – әлемнің бар жарығын бір ғана күлкімен жарық қылатын балалықтың үні.

Бүгін – 1 маусым, Халықаралық балалар күні. Бұл күн – тек мереке ғана емес, әр баланың қауіпсіздігі, құқығы мен бақытты балалық шағы үшін жауапкершілікті еске салатын ерекше күн.

Абай облысы Полиция департаментінде де бұл мереке ерекше мәнге ие. Өйткені полиция қызметкерлері үшін ең басты құндылықтардың бірі – балалардың амандығы, олардың алаңсыз күліп өсуі.

Қоғам қауіпсіздігін қамтамасыз етіп жүрген Абай облысы Полиция департаменті Талдау және стратегиялық жоспарлау басқармасының инспекторы полиция капитаны Ахметалина Диана үшін де бұл күн – жүрекке жақын мереке. Ол үшін әр бала – тек статистика емес, ол – үміт, ол – болашақ, ол – қорғалуға тиіс әлем.

Үйге асығып кіргенде сені күліп қарсы қызы Ахметалина Рамина – өмірдің ең үлкен мотивациясы. Баланың бір ғана «Анашым, сен барсың ғой» деген сөзі – ең ауыр күннің өзін жарық қылатын күш.

Полиция қызметі – бұл тек тәртіп сақтау емес. Бұл – әр баланың жолда қауіпсіз жүруі. Бұл – мектепке барар жолдағы тыныштық. Бұл – әр үйдегі бейбіт таң. Бұл – бала күлкісінің ешқашан үзілмеуі үшін жасалған күнделікті еңбектің көрінісі.

Бүгінгі мерекеде біз барлық балаларға тілейтініміз:
Армандарың биік , күлкілерің шынайы, болашақтарың – жарқын болсын!

Ал ата-аналарға айтарымыз: баланың амандығы – қоғамның ортақ жауапкершілігі.
Полиция – сол жауапкершіліктің әрдайым алдыңғы шебінде.

Ақпарат көзі : https://www.gov.kz/memleket/entities/mvd-abay/press/news/details/1236430?lang=ru