«Жолдағы балалар» ЖПІШ: Абай облысында 16 жасқа толмай мопед басқарған 3 жасөспірім анықталды.

Абай облысында балалардың жолдағы қауіпсіздігін арттыруға бағытталған ауқымды «Жолдағы балалар» атты жедел-профилактикалық іс-шарасы қорытындыланды. Негізгі мақсат – кәмелетке толмағандардың қатысуымен болатын жол қозғалысы ережелерін бұзушылықтардың алдын алу, балалар мен олардың ата-аналарының құқықтық сауаттылығын көтеру және жалпы жол қауіпсіздігі мәдениетін нығайту.

Іс-шара кезінде ішкі істер органдары қызметкерлері тексеру, түсіндіру және бақылау бағытында кешенді жұмыстар жүргізді. Арнайы назар жасөспірімдер мен олардың ата-аналарына аударылып, жол қозғалысы ережелерін сақтау қажеттілігі мен қауіпсіздік талаптары жан-жақты түсіндірілді.

Әсіресе кәмелетке толмағандардың мопед басқару фактілері бақылауға алынды. Нәтижесінде, 16 жасқа толмаған 3 бала мопедті заңсыз басқарғаны анықталды. Бұл ретте жауапкершілік баланың ата-анасына немесе заңды өкіліне жүктеледі.

Сонымен қатар, Жол жүрісіне қатысушыларға қойылатын өзге де талаптарды бұзу бойынша 68 дерек тіркелсе,

Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы бойынша 90 құқық бұзушылықтың жолы кесілді. Барлық фактілер бойынша құқық бұзушылармен профилактикалық жұмыстар жүргізілді.

Шара барысында заң талаптарын бұзған 24 автокөлік арнайы мамандандырылған айыппұл тұрағына орналастырылды.

«Жолдағы балалар» іс-шарасы – тек бақылау емес, балалар мен ата-аналардың жолдағы қауіпсіздікке деген жауапкершілігін арттыруға бағытталған маңызды қадам.

Ақпарат көзі : https://www.gov.kz/memleket/entities/mvd-abay/press/news/details/1239162?lang=ru