2026 жылғы 12 маусым күні сағат 09:05 шамасында Маңғыстау облысы Полиция департаменті патрульдік полиция ротасының қызметкерлері Ақтау – Қаламқас автожолының 55-шақырымында жол бойында көмекке мұқтаж азаматты байқап, оған жедел түрде қолдау көрсетті.
Анықталғандай, Венгрия Республикасының азаматы велосипедпен халықаралық саяхат жасап жүрген. Ол сапарын Венгриядан бастап, Қырғызстан арқылы Қазақстанға келіп, әрі қарай Қытай бағытына жол тартқан. Ақтау қаласынан шыққаннан кейін велосаяхатшы жолда қиын жағдайға тап болып, өз бетінше қозғалысын жалғастыра алмай қалған.
Патрульдік полиция қызметкерлері шетелдік азаматтың қасына тоқтап, жағдайын сұрастырған. Оның көмекке мұқтаж екенін анықтаған соң, жолдан өтіп бара жатқан «Газель» автокөлігін тоқтатып, велосаяхатшыны велосипедімен бірге көлікке отырғызуға көмектесті. Нәтижесінде азамат Ақтау қаласына қауіпсіз жеткізілді.
Көрсетілген қамқорлық пен жедел әрекет үшін шетелдік турист патрульдік полиция қызметкерлеріне шынайы алғысын білдірді.
Патрульдік полиция ротасының қызметкерлері тәулік бойы жол қозғалысына қатысушылардың қауіпсіздігін қамтамасыз етіп, қиын жағдайға тап болған азаматтарға қажетті көмек көрсету жұмыстарын тұрақты түрде жүргізуде.
Ақпарат көзі : https://www.gov.kz/memleket/entities/mvd-mangystau/press/news/details/1241056?lang=ru
Жауап қалдыру Жауапты болдырмау