Өскеменде «Борышкер» жедел-профилактикалық іс-шарасының қорытындысы шығарылды
2026 жылғы 9-11 маусым аралығында Өскемен қаласының аумағында «Борышкер» жедел-профилактикалық іс-шарасы өткізілді. Іс-шараның негізгі мақсаты – азаматтардың құқықтық және атқарушылық тәртібін арттыру, сондай-ақ әкімшілік айыппұлдар бойынша берешектерді өндіріп алу болды.
Үш күн ішінде полиция қызметкерлері 919 әкімшілік хаттама толтырды. Жүргізілген жұмыстардың нәтижесінде 370-тен астам әкімшілік айыппұл өндіріліп, 77 нұсқама орындалды. Сонымен қатар, берешегін өтеу қажеттілігі туралы 361 борышкерге ресми хабарлама табысталды.
Әкімшілік өндіріп алулардың орындалуын қамтамасыз ету мақсатында борышкерлерге тиесілі 6 автокөлік мамандандырылған айып тұрағына қойылды.
Шығыс Қазақстан облысы Полиция департаменті әкімшілік айыппұлдарды уақытылы төлеудің маңыздылығын еске салады. Айыппұлдарды белгіленген мерзімде өтеу мәжбүрлеп өндіріп алу шаралары мен өзге де құқықтық салдардың алдын алуға мүмкіндік береді. Полицейлер азаматтарды заң талаптарын сақтауға және өз міндеттемелеріне жауапкершілікпен қарауға шақырады.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1240601?lang=ru
Жауап қалдыру Жауапты болдырмау