2026 жылғы 9 маусымда Қазақстан Республикасындағы Адам құқықтары жөніндегі уәкілдің Шымкент қаласы бойынша өкілі Н. Абдезов Шымкент қаласы денсаулық сақтау басқармасының «Мейірім» оңалту орталығы» МКҚК-не барды.
🔷 Орталықта көрсетілетін медициналық және оңалту қызметтерінің ұйымдастырылуына, санитариялық-гигиеналық талаптардың сақталуына, ем алушылар үшін жасалған жағдайларға, сондай-ақ азаматтардың құқықтарының қамтамасыз етілуіне назар аударылды.
🔷 Сонымен қатар мекеме басшылығымен және қызметкерлерімен әңгімелесу жүргізіліп, қызмет алушыларға қолайлы орта қалыптастыру, медициналық көмектің қолжетімділігі мен сапасын арттыру мәселелері талқыланды.
🔷 Кездесу барысында «Қазақстан Республикасындағы баланың құқықтары туралы» Заңының негізгі нормалары түсіндіріліп, балалардың денсаулық сақтау, әлеуметтік қорғау және қауіпсіз ортада өмір сүру құқықтарын қамтамасыз етудің маңыздылығы жөнінде ақпарат берілді.
🔷 Адам құқықтарын сақтау және азаматтардың әлеуметтік әл-ауқатын жақсарту бағытындағы жұмыстар тұрақты назарда.
🔷 Бару қорытындысы бойынша анықталған мәселелер назарға алынып, тиісті уәкілетті органдарға ұсыныстар жолданатын болады.
Ақпарат көзі : https://www.gov.kz/memleket/entities/ombudsman-shymkent/press/news/details/1241517?lang=ru
Жауап қалдыру Жауапты болдырмау