«Баланы қауіпсіздікке баулудың ең тиімді жолы – ата-ананың жеке үлгісі».
Талдықорған қаласындағы Оқушылар сарайында полиция, прокуратура, білім басқармасы және әкімдік өкілдерінің қатысуымен жалпы қалалық ата-аналар жиналысы өтті.
Кездесудің негізгі тақырыбы жазғы демалыс кезеңіндегі балалардың қауіпсіздігі, аттестат алу мәселелері, кәмелетке толмағандардың түнгі уақытта жүру тәртібін сақтау, сондай-ақ алкогольдік өнімдерді, темекі бұйымдарын және өзге де тыйым салынған заттарды пайдаланудың алдын алу болды.
Жетісу облысы Полиция департаменті Қоғамдық қауіпсіздік басқармасының қызметкерлері ата-аналарға кәмелетке толмағандар тарапынан жасалатын жекелеген құқық бұзушылықтар мен қылмыстар үшін көзделген әкімшілік және қылмыстық жауапкершілік туралы түсіндірді. Сондай-ақ, балаларды тәрбиелеудегі отбасының рөліне және жасөспірімдердің мінез-құлқындағы алаңдататын белгілерге дер кезінде назар аударудың маңыздылығына ерекше көңіл бөлінді.
Полицейлер кей жағдайда балаларға деген шектен тыс жанашырлық пен оларды жауапкершіліктен қорғауға ұмтылу ауыр зардаптарға әкелуі мүмкін екенін атап өтті.
Ақпарат көзі : https://www.gov.kz/memleket/entities/mvd-zhetysu/press/news/details/1242642?lang=ru
Жауап қалдыру Жауапты болдырмау