Облыстық бюджет қаражаты есебінен қаржыландырылатын жобалардың іске асырылу барысына жүргізілген мониторинг аясында Қарағанды облыстық мәслихатының төрағасы Нұркен Кобжанов облыстық мәслихат депутаттары М.Башай, А.Г.Куприенко, А.Т.Ескалиева, С.Ш.Шаймағанбет және Осакаров аудандық мәслихатының төрағасы К.К.Саккулаковпен бірге Осакаров ауданының бірқатар әлеуметтік маңызы бар нысандарын аралады.
Іс-шараға Осакаров ауданының әкімі Р.Е.Нұрмұхамбетов, Білім басқармасының басшысы Д.Ш.Жекебаев және мердігер ұйымдардың өкілдері қатысты.
Есіл ауылында білім беру нысандарына жүргізілген мониторинг барысында депутаттар №2 жалпы білім беретін мектепке жүргізіліп жатқан күрделі жөндеу жұмыстарының барысымен танысты. Қазіргі уақытта нысанда ғимараттың ішкі әрлеу жұмыстары мен қасбетін орнату жұмыстары аяқталу кезеңінде. Сонымен қатар ағымдағы жөндеу жұмыстары жүргізіліп жатқан ауылдық Школа-интернат-колледжге барды.
Осакаровка кентінде мониторингке қатысушылар тұрғын үй секторы мен әлеуметтік нысандарды жылумен қамтамасыз ететін №2 қазандықты аралады. Пайдаланушы ұйым өкілдерімен бірлесіп, жабдықтардың алдағы жылыту маусымына дайындығы мәселелері қаралды. Сонымен қатар Ы. Алтынсарин көшесінде салынып жатқан екі 36 пәтерлі тұрғын үйдің құрылыс барысымен танысты.
Мониторинг қорытындысы бойынша мердігер ұйымдарға құрылыс және жөндеу жұмыстарын белгіленген мерзімде аяқтауды қамтамасыз ету мақсатында жұмысшылар санын арттыру және қажетті ресурстарды жұмылдыру бойынша қосымша шаралар қабылдау ұсынылды.
Жұмыс сапары аясында Қарағанды облыстық мәслихатының төрағасы Нұркен Кобжанов азаматтарды жеке қабылдады. Қабылдау барысында тұрғын үй-коммуналдық шаруашылығы нысандарын жаңғырту мәселелері, оның ішінде халықты сенімді әрі тұрақты жылумен қамтамасыз ету мақсатында Молодежный кентіндегі жеке қазандықты мемлекеттік меншікке беру перспективалары қаралды.
Мониторинг және азаматтарды жеке қабылдау барысында көтерілген барлық мәселелер, ескертулер мен ұсыныстар бақылауға алынды. Бюджет қаражаты есебінен қаржыландырылатын жобалардың іске асырылу барысына депутаттық мониторинг жүргізу жұмыстары жалғасатын болады.
Ақпарат көзі : https://www.gov.kz/memleket/entities/maslihat-karagandinskoy-oblasti/press/news/details/1242807?lang=ru
Жауап қалдыру Жауапты болдырмау