2026 жылдың 19 маусымында Жамбыл облысы әкімдігінің дін істері басқармасының басшысы Е.Ақбайдың төрағалығымен «Заң мен тәртіп» идеологиясын іске асыру, сыбайлас жемқорлықтың алдын алу, қызметтік тәртіпті нығайту және дін саласындағы заңдылықты қамтамасыз ету мәселелері бойынша жиын өтті.
Жиынға дін істері басқармасы мен дін проблемаларын зерттеу орталығының барлық қызметкерлері қатысты.
Жиында Мемлекет Басшысының заң үстемдігін нығайтуға бағытталған «Заң мен тәртіп» қағидатының маңыздылығы атап өтілді. Сондай-ақ мемлекеттік қызметшілер арасында сыбайлас жемқорлыққа қарсы мәдениетті қалыптастыру, әдеп нормаларын сақтау және дін саласындағы мемлекеттік саясатты іске асыру мәселелері қаралды.
Жиын қорытындысы бойынша хаттама әзірленіп, қызметкерлерге заңдылық қағидаттарын қатаң сақтау, сыбайлас жемқорлыққа мүлдем төзбеушілік мәдениетін қалыптастыру, әдеп кодексінің талаптарын орындау, сондай-ақ дін саласындағы заңнаманың сақталуын қамтамасыз ету бойынша бірқатар тапсырмалар берілді.
Ақпарат көзі : https://www.gov.kz/memleket/entities/zhambyl-din/press/news/details/1244285?lang=ru
Жауап қалдыру Жауапты болдырмау