Тимирязев ауылдық округінде жол инфрақұрылымын жаңарту жұмыстары жалғасуда. Бүгінде Сулы станциясына жақсы өзгерістер келіп жетті, мұнда Вокзальная көшесі мен вокзал маңындағы алаңға асфальт төсеу жұмыстары басталды. Жақын арада көпірге апаратын жол учаскесінде де жұмыстар жалғасатын болады.
Жобаның іске асырылу барысымен аудан әкімі Е.Қ. Жаров, аудандық мәслихат төрағасы А.С.Асанова, аудан әкімінің орынбасары Қ.С. Иманжанов және Тимирязев ауылдық округі әкімінің міндетін атқарушы С.М. Қуанышева танысты. Жұмыс сапары барысында олар «АртоСам» ЖШС мердігерлік ұйымының өкілімен орындалып жатқан жұмыстардың сапасы мен жөндеу мерзімдерінің сақталуы мәселелерін талқылады.
Сулы станциясының тұрғындары үшін бұл көптен күткен қуанышты оқиға. Көптеген жылдар бойы жол жөндеуді қажет етіп келген еді, енді мұнда алғаш рет заманауи асфальт жабыны пайда болады. Жаңа асфальт жылдың кез келген уақытында автокөлік жүргізушілері мен жаяу жүргіншілер үшін жайлы әрі қауіпсіз қозғалысты қамтамасыз етпек.
Тұрғындар жағымды өзгерістерді зор ықыласпен қарсы алып, жолдарды абаттандыру елді мекеннің келбетін айтарлықтай өзгертіп жатқанын атап өтуде. Жобаны жүзеге асыру Сулы станциясының дамуындағы маңызды қадам болып, өмір сүруге қолайлы әрі жайлы жағдай туғызады.
Ақпарат көзі : https://www.gov.kz/memleket/entities/timiryazmaslihat-sko/press/news/details/1243651?lang=ru
Жауап қалдыру Жауапты болдырмау