Халықты әлеуметтік қорғау саласындағы реттеу және бақылау комитетінің Ақтөбе облысы бойынша департаментінің қызметкерлері 2026 жылғы 17 маусымда онлайн форматта өткен сыбайлас жемқорлыққа қарсы заңнаманың сақталуы мәселелері жөніндегі кеңеске қатысты.
Кеңеске Әлеуметтік қорғау саласындағы реттеу және бақылау комитетінің төрағасы И. Скуб төрағалық етті. Кеңес барысында Қазақстан Республикасының сыбайлас жемқорлыққа қарсы заңнамасының талаптарын сақтау, адалдық қағидаттарын қалыптастыру, мемлекеттік қызметшілердің қызметтік әдеп нормаларын сақтау, сондай-ақ сыбайлас жемқорлық құқық бұзушылықтарының алдын алу және әрбір мемлекеттік қызметшінің жеке жауапкершілігін арттыру мәселелері қарастырылды.
Баяндамамен Қазақстан Республикасы Мемлекеттік қызмет істері агенттігінің Сыбайлас жемқорлыққа қарсы саясат департаментінің бас консультанты Бекбатыр Жанатұлы Айтмахан сөз сөйлеп, сыбайлас жемқорлыққа қарсы заңнаманың негізгі талаптарын, сыбайлас жемқорлықтың алдын алу тетіктерін және мемлекеттік қызметте әдеп қағидаттарын қатаң сақтаудың маңыздылығын түсіндірді.
Осындай іс-шараларға қатысу мемлекеттік қызметшілер арасында заңдылық, ашықтық және адалдық қағидаттарын нығайтуға, сондай-ақ құқықтық мәдениетті арттыруға ықпал етеді.
Ақпарат көзі : https://www.gov.kz/memleket/entities/enbek-aktobe/press/news/details/1243971?lang=ru
Жауап қалдыру Жауапты болдырмау