Атырау облысы Ішкі саясат басқармасы қазақ журналистикасының негізін салушы, профессор Тауман Салықбайұлы Амандосов атындағы облыс әкімінің сыйлығына арналған байқауға өтінім қабылдау басталғанын хабарлайды.
Байқау номинациялары:
- «Үздік бұқаралық ақпарат құралы» – Атырау облысында тіркеліп, қызметін жүзеге асыратын бұқаралық ақпарат құралдарының редакциялары арасында беріледі, сыйақы мөлшері: 1 000 000 теңге;
- «Ақпарат айнасы» – 35 жастан асқан тәжірибелі журналистерге арналған номинация, сыйақы мөлшері: 500 000 теңге;
- «Үздік жас журналист» – 35 жасқа дейінгі (қоса алғанда) жас журналистер мен авторларға арналған номинация, сыйақы мөлшері: 500 000 теңге.
Байқауға кімдер қатыса алады?
- Қазіргі уақытта Атырау облысының аумағында кәсіби қызметін жүзеге асырып жүрген журналистер;
- Бұқаралық ақпарат құралдары саласында еңбек өтілі бар Атырау облысының сала ардагерлері;
- Атырау облысының аумағында тіркелген және қызметін жүзеге асыратын БАҚ редакциялары.
Өтінімдер 2026 жылдың 15 шілдесіне дейін (қоса алғанда) tauman.kz ресми сайты арқылы қабылданады.
Қосымша ақпарат https://tauman.kz/ сайтында көрсетілген және +7 (747) 568-90-32 нөмеріне Whatsapp мессенджері арқылы хабарласа аласыз.
НАЗАР АУДАРЫҢЫЗ: БАЙҚАУ ЕРЕЖЕСІМЕН МҰҚИЯТ ТАНЫСУ СҰРАЛАДЫ!
Ақпарат көзі : https://www.gov.kz/memleket/entities/atyrau-sayasat/press/news/details/1243528?lang=ru
Жауап қалдыру Жауапты болдырмау