Фармацевтикалық қызметке лицензия алу кезінде мемлекеттік бажды төлеу туралы ақпарат

Мемлекеттік қызмет көрсету кезінде көрсетілетін қызметті алушы Қазақстан Республикасының «Салық және бюджетке төленетін басқа да міндетті төлемдер туралы» Кодексінің (Салық кодексі) 554-бабына сәйкес орналасқан жері бойынша бюджетке қызметтің жекелеген түрлерімен айналысу құқығы үшін лицензиялық алым төлейді:

1. «Фармацевтикалық қызметке лицензия беру» мемлекеттік қызмет көрсету стандарты:

1)фармацевтикалық қызметпен айналысу құқығына лицензия бергені үшін – 10 айлық есептік көрсеткішті (бұдан әрі – АЕК) құрайды;

лицензияны қайта ресімдегені үшін – тиісті мөлшерлеменің 10 %-ын құрайды.

2. «Денсаулық сақтау саласында есірткі құралдарының, психотроптық заттар мен прекурсорлардың айналымына байланысты қызметті жүзеге асыруға лицензия беру» мемлекеттік қызмет көрсету стандарты:

1) денсаулық сақтау саласында есірткі құралдарының, психотроптық заттар мен прекурсорлардың айналымына байланысты қызметке лицензия бергені үшін – 20 айлық есептік көрсеткішті (бұдан әрі – АЕК) құрайды;

2) лицензияны қайта ресімдегені үшін – тиісті мөлшерлеменің 10 %-ын құрайды.

Лицензиялық алымды төлеу көрсетілетін қызметті алушы тарапынан екінші деңгейдегі банктер арқылы қолма-қол және қолма-қол ақшасыз нысанда жүзеге асырылуы мүмкін.

Мемлекеттік қызметті алу үшін төлем «электрондық үкіметтің» төлем шлюзі арқылы жүзеге асырылуы мүмкін.

Ақпарат көзі : https://www.gov.kz/memleket/entities/dkmfk-astana/press/news/details/1244519?lang=ru