2026 жылғы 19 маусымда Көліктегі санитариялық-эпидемиологиялық бақылау департаментінде Медицина қызметкері күніне арналған салтанатты іс-шара өткізілді. Іс-шара Қазақстан Республикасының Мемлекеттік Гимнін орындаумен басталды. Оған Департаменттің, бөлімшелік басқармалар мен санитариялық-карантиндік пункттердің қызметкерлері қатысты. Іс-шара аясында мемлекеттік қызметке алғаш рет қабылданған қызметкерлер Қазақстан Республикасы мемлекеттік қызметшісінің Антын қабылдады. Қызметтік міндеттерін адал орындағаны, жоғары кәсібилігі және халықтың санитариялық-эпидемиологиялық саламаттылығын қамтамасыз етуге қосқан үлесі үшін қызметкерлерге Қазақстан Республикасы Денсаулық сақтау министрінің Алғыс хаттары, Санитариялық-эпидемиологиялық бақылау комитетінің Алғыс хаттары және Құрмет грамоталары табысталды. Сонымен қатар, жас мамандардың тәрбиесі мен кәсіби қалыптасуына қосқан үлесі үшін олардың ата-аналары Департамент басшылығының Алғыс хаттарымен марапатталды. Іс-шара санитариялық-эпидемиологиялық қызмет қызметкерлерінің еңбегін бағалаудың және медицина қызметкері мамандығының мәртебесін арттырудың көрінісі болды.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1244833?lang=ru
Жауап қалдыру Жауапты болдырмау