Зеренді ауданының аумағында «Қауіпсіз жағалау» профилактикалық акциясы өткізілді

Зеренді ауданының прокуратурасы төтенше жағдайлар бөлімімен бірлесіп, «Қауіпсіз жағалау» профилактикалық акциясын өткізді.

Акция барысында демалушыларға су айдындарындағы қауіпсіздікті қамтамасыз ету саласындағы талаптар түсіндірілді, атап айтқанда:

• рұқсат етілмеген орындарда суға шомылуға жол берілмейтіні;
• кәмелетке толмаған балаларды үнемі бақылауда ұстау қажеттігі;
• суда төтенше жағдай орын алған кездегі алғашқы іс-қимылдар туралы.

Азаматтармен жеке профилактикалық әңгімелер жүргізіліп, сақтық шаралары мен судағы қауіпсіздік қағидалары көрсетілген ақпараттық жадынамалар таратылды.

Су айдындарының маңында демалып жүрген ата-аналар мен кәмелетке толмағандармен жүргізілетін түсіндіру жұмыстарына ерекше назар аударылды.

Аудан прокуратурасы еске салады: су айдындарындағы қауіпсіздік қағидаларын сақтау – әр азаматтың міндеті.

Өзіңізді және жақындарыңызды сақтаңыздар!

Ақмола облысының прокуратурасы

Ақпарат көзі : https://www.gov.kz/memleket/entities/prokuratura-akm-obl/press/news/details/1244429?lang=ru