Жамбыл ауданының Дегерес ауылында орын алған қайғылы жол-көлік оқиғасы жол қозғалысы ережелерін сақтамаудың ауыр зардаптарға әкелуі мүмкін екенін тағы бір мәрте көрсетті. Жамбыл аудандық полиция басқармасы мотоцикл жүргізушілері арасында жол қауіпсіздігін қамтамасыз ету мақсатында тұрақты түрде профилактикалық және түсіндіру жұмыстарын жүргізіп келеді. Құқық қорғау органдары тарапынан жүргізушілерге бірнеше рет ескерту жасалып, жол қозғалысы ережелерін сақтау қажеттігі түсіндірілген. Соған қарамастан, кейбір азаматтар жолдағы қауіпсіздік талаптарына немқұрайлы қарап, өз өмірі мен өзгенің өміріне қауіп төндіретін әрекеттерге жол беруде. Полиция әрбір жол қозғалысына қатысушы өзінің және айналасындағылардың қауіпсіздігі үшін жауапты екенін еске салады. Әсіресе мотоцикл жүргізушілеріне жылдамдық режимін қатаң сақтау, қорғаныс құралдарын пайдалану, маневр жасау кезінде мұқият болу және жол қозғалысы ережелерін бұлжытпай орындау қажеттігі ескертіледі. Алматы облысының полициясы тұрғындарды жолда барынша сақ болуға шақырады. Жолдағы бір сәттік салғырттық орны толмас қайғы мен өкінішке алып келуі мүмкін. Жол қауіпсіздігі – баршамызға ортақ жауапкершілік.
Ақпарат көзі : https://www.gov.kz/memleket/entities/mvd-alm/press/news/details/1247120?lang=ru
Жауап қалдыру Жауапты болдырмау