Республикалық «Таза Қазақстан» экологиялық акциясы аясында Маңғыстау облысы полиция департаментінің қызметкерлері қоршаған ортаның тазалығын сақтау мен абаттандыруға бағытталған сенбілік өткізді.
Іс-шараға Маңғыстау облысы полиция департаментінің бастығы Сағындық Аяғанов қатысып, табиғатты аялау мен азаматтық жауапкершіліктің маңыздылығын жеке үлгісімен көрсетті.
Сенбілік барысында полиция қызметкерлері аумақтарды қоқыстан тазалап, қоғамдық орындар мен іргелес аумақтарды ретке келтірді. Мұндай шаралар тұрғындардың экологиялық мәдениетін қалыптастыруға және туған өлкенің тазалығына деген жауапкершілігін арттыруға ықпал етеді.
Іс-шара барысында Сағындық Аяғанов қоршаған ортаны қорғау әр азаматтың ортақ міндеті екенін атап өтті.
«Тазалық әрқайсымыздан басталады. «Таза Қазақстан» акциясы – тек аумақтарды тазарту ғана емес, туған жерге, қалаға және келер ұрпаққа деген құрметтің көрінісі. Біз жеке үлгі арқылы табиғатты қорғау күнделікті өміріміздің маңызды бөлігі екенін көрсетеміз», – деді ол.
Маңғыстау облысы полиция департаменті өңірдегі экологиялық жағдайды жақсартуға және қоғамдық маңызы бар бастамаларды қолдауға бағытталған іс-шараларға алдағы уақытта да белсенді қатысатын болады.
Ақпарат көзі : https://www.gov.kz/memleket/entities/mvd-mangystau/press/news/details/1245586?lang=ru
Жауап қалдыру Жауапты болдырмау