Маңғыстауда полиция қызметкерлері арасында шағын футболдан турнир өтті

Қазақстан полициясы күні қарсаңында Маңғыстау облысында ішкі істер органдары қызметкерлері арасында шағын футболдан турнир ұйымдастырылды.

Турнирдің ашылу рәсіміне Маңғыстау облысы полиция департаменті бастығының бірінші орынбасары Ілияс Жұмағұлов қатысып, жарысқа қатысушыларға сәттілік тіледі. Ол өз сөзінде спорттық іс-шаралардың қызметкерлер арасындағы бірлік пен өзара ынтымақтастықты нығайтудағы, салауатты өмір салтын қалыптастырудағы және дене шынықтыру дайындығын арттырудағы маңызын атап өтті.

Дәстүрлі жарысқа ішкі істер органдарының қызметкерлерімен қатар ардагерлер командасы да қатысып, жастарға үлгі көрсетіп, жоғары ойын шеберлігін паш етті.

Тартысты өткен турнир қорытындысы бойынша:
І орын – Маңғыстау облысы полиция департаментінің командасы;
ІІ орын – Ақтау қаласы полиция басқармасының командасы;
ІІІ орын – Жаңаөзен қаласы полиция басқармасының командасы иеленді.

Жеңімпаздар мен жүлдегерлер кубоктармен, медальдармен және дипломдармен марапатталды.

Мұндай спорттық іс-шаралар қызметкерлер мен ардагерлер арасындағы сабақтастықты нығайтып, ұжымдық рухты көтеруге, сондай-ақ ішкі істер органдары қызметінің оң имиджін қалыптастыруға ықпал етеді.

https://polisia.kz/mangghystauda-politsiya-qyzmetkerleri-arasynda-sporttyq-turnir-otti/

Ақпарат көзі : https://www.gov.kz/memleket/entities/mvd-mangystau/press/news/details/1245583?lang=ru