Қызылорда облысы ТЖД Өнеркәсіптік қауіпсіздік басқармасы өңірдегі газ нысандарындағы тәртіпті күшейту және төтенше жағдайлардың алдын алу мәселелерін пысықтады. Жиынға салалық басқарма өкілдері, аудандық төтенше жағдайлар бөлімдерінің басшылығы, тұрғын үй инспекциясының мамандары мен газ толтыру стансаларының жауапты тұлғалары қатысты.
Кездесу барысында газ баллондарын сақтау және пайдалану барысындағы негізгі қауіпсіздік қағидалары жан-жақты қарастырылды. Сонымен қатар, сығылған және сұйытылған отын түрлерімен жұмыс істеуді реттейтін заңнамалық нормалардың сақталу деңгейі сарапқа салынды.
Тараптар өндірістік қадағалауды күшейту және қауіпсіздік стандарттарын қатаң сақтау бойынша тәжірибе алмасып, алдағы кезеңге арналған басым міндеттерді айқындады.
Ақпарат көзі : https://www.gov.kz/memleket/entities/kpb/press/news/details/1246771?lang=ru
Жауап қалдыру Жауапты болдырмау