Қаскелең қаласында Қарасай және Жамбыл аудандары колледждерінің студенттері арасында есірткі құқық бұзушылықтарының алдын алу және жастар арасында есірткіге деген теріс көзқарасты қалыптастыру мақсатында байқау өтті. Іс-шара Алматы облысы Полиция департаментінің Есірткі қылмысына қарсы іс-қимыл басқармасының қолдауымен ұйымдастырылып, жастардың құқықтық сауаттылығын арттыруға, салауатты өмір салтын насихаттауға, сондай-ақ жасөспірімдер мен жастардың есірткі құралдарының заңсыз айналымына тартылуының алдын алуға бағытталды. Байқау барысында қатысушылар нашақорлықтың алдын алу, есірткі бизнесіне қарсы күрес бағытындағы білімдерін көрсетіп, жастардың денсаулығы мен қауіпсіздігін сақтау мәселелеріне арналған шығармашылық және ақпараттық жобаларын таныстырды. Байқау қорытындысы бойынша Қаскелең қаласының намысын қорғаған Қарасай ауданының командасы жеңімпаз атанды. Қатысушылар жоғары дайындық деңгейін, белсенді азаматтық ұстанымдарын және есірткі қылмысына қарсы күрестің маңыздылығын терең түсінетіндіктерін көрсетті. Ұйымдастырушылар мұндай іс-шаралардың жастар арасында есірткіге төзбеушілік мәдениетін қалыптастыруға, құқықтық мәдениетті арттыруға және қоғам назарын нашақорлық пен есірткінің заңсыз айналымы мәселелеріне аударуға ықпал ететінін атап өтті. Байқау жеңімпаздары мен жүлдегерлері дипломдармен және естелік сыйлықтармен марапатталды.
Ақпарат көзі : https://www.gov.kz/memleket/entities/mvd-alm/press/news/details/1249742?lang=ru
Жауап қалдыру Жауапты болдырмау