«Таза Қазақстан» республикалық экологиялық акциясы аясында Қоғамдық қауіпсіздік басқармасының қызметкерлері су көлігі арқылы өзен жағалауларындағы демалыс ұйымдастырылатын орындарға рейдтік іс-шара жүргізді. Іс-шара барысында демалушыларға қоршаған ортаны таза ұстаудың маңыздылығы түсіндіріліп, тұрмыстық қалдықтарды белгіленген орындарға тастау, табиғатты ластамау және қоғамдық тәртіпті сақтау жөнінде профилактикалық түсіндіру жұмыстары жүргізілді.
Рейдтің негізгі мақсаты – тұрғындар арасында экологиялық мәдениетті қалыптастыру, табиғи аумақтардың тазалығын сақтау және қоршаған ортаға ұқыпты қарау қағидаларын насихаттау. Тазалық – әр азаматтың ортақ міндеті. Сондықтан табиғат аясында демалу кезінде қалдықтарды жинап, белгіленген орындарға тастау арқылы әркім туған өлкеміздің тазалығы мен көркеюіне өз үлесін қоса алады.
Ақпарат көзі : https://www.gov.kz/memleket/entities/mvd-atyrau/press/news/details/1250170?lang=ru
Жауап қалдыру Жауапты болдырмау