Шығыс Қазақстан облысының әкімі қатысқан Қазақстан Республикасының жаңа Конституциясына арналған дөңгелек үстелге спикер ретінде қатыстым. Сонымен қатар, іс-шараға Қазақстан Республикасы Адам құқықтары жөніндегі уәкіл жанындағы Үйлестіру кеңесінің мүшесі Ашимова А.Т. спикер ретінде және Адам құқықтары жөніндегі уәкіл жанындағы Жастар комиссиясының мүшесі Алибеков А.А. қатысты.
Өз сөзімде еліміздің Ата Заңында адамның қадір-қасиетіне қол сұғылмаушылық қағидатының бекітілуіне, азаптауға тыйым салынуына, сондай-ақ азаматтардың цифрлық ортадағы құқықтарын қорғау қағидаттары мен «Миранда қағидаларының» алғаш рет енгізілуіне ерекше назар аудардым.
Сонымен қатар, Конституцияның ең жоғары заңдық күшінің бекітілуінің маңыздылығын ерекше атап өттім. Бұл – Қазақстан Республикасының Конституциясына қайшы келетін ешбір халықаралық шарттың, келісімнің немесе мемлекетаралық органның актісі ел аумағында қолданылмайтынын әрі орындалмайтынын білдіреді.
Кездесу қорытындысы бойынша облыс әкімі қатысушыларға Қазақстан Республикасы Конституциясының қазақ, орыс және ағылшын тілдеріндегі баспа басылымдарын табыстады.
Ақпарат көзі : https://www.gov.kz/memleket/entities/ombudsman-vko-oblysy/press/news/details/1250782?lang=ru
Жауап қалдыру Жауапты болдырмау