Павлодар облысының аумағында жазаның бұлтартпастығы қағидатын қамтамасыз ету және борышкерлерді жауапкершілікке тарту мақсатында рейдтік іс-шаралар өткізілуде.
– Мәселен, облыс орталығында Lexus RX 350 автокөлігі арнайы айып тұрағына қойылды. Оның иесінің көлігіне тыйым салынып, жалпы сомасы 41 миллион 848 мың теңгеден астам салық берешегі болған. Сондай-ақ Volkswagen Passat автокөлігінің иесіне де көлікке қойылған тыйым бойынша 40 миллион теңгеден астам берешек анықталды. Аталған автокөліктер арнайы айып тұрағына қойылды. Иелері барлық қарыздарын өтегеннен кейін ғана көліктерін қайтара алады, – деді Павлодар қаласы полиция басқармасы патрульдік полиция батальоны қызметінің инспекторы Жандос Мейрамғазы.
Полиция жүргізушілерді жол қозғалысы тәртібін қатаң сақтауға шақырып, мүліктің тәркіленуіне жол бермеу үшін азаматтарға берешектерін уақытылы өтеуді ұсынады.
Ақпарат көзі : https://www.gov.kz/memleket/entities/mvd-pavlodar/press/news/details/1251260?lang=ru
Жауап қалдыру Жауапты болдырмау