2026 жылғы 4–6 шілде аралығында «Аю-тас» сауықтыру лагерінде Қазақстан Республикасы Астана күніне орай балалардың бойында патриоттық сезімді, Отанға деген сүйіспеншілікті және Тәуелсіз Қазақстанның жетістіктеріне құрметті қалыптастыруға бағытталған танымдық, шығармашылық және спорттық іс-шаралар ұйымдастырылды. Мерекелік бағдарлама аясында «Астана балалар көзімен» атты сурет байқауы өтіп, жас қатысушылар еліміздің бас қаласының заманауи келбетін, сәулет өнерін, әсемдігі мен ерекше көркін өз шығармалары арқылы бейнеледі. «Болашақ қаласы» атты плакаттар мен коллаждар байқауында балалар қиялдарына ерік беріп, өз армандарындағы елорданың бейнесін ұсынды.
Балалардың ерекше қызығушылығын «Елорда біріктіреді» атты спорттық эстафета тудырды. Бұл жарыс достықты, ұйымшылдықты және салауатты бәсекелестікті дәріптеді. Мерекенің жарқын сәттерінің бірі «Менің Отаным – Қазақстан» атты патриоттық әндер фестивалі болды. Фестиваль барысында Отанға деген сүйіспеншілік, халық бірлігі мен еліміздің өркендеуі туралы әндер орындалды.
Мерекелік іс-шаралар «Астана күні құтты болсын!» атты жарқын флешмобпен қорытындыланды. Лагерь тәрбиеленушілері барша қазақстандықтарды мерекемен құттықтап, елордамызға деген мақтаныш сезімдерін білдіріп, елімізге бейбітшілік, амандық және өсіп-өркендеу тіледі.
Өткізілген іс-шаралар балаларға көтеріңкі көңіл күй мен жарқын әсер сыйлап, олардың азаматтық жауапкершілік сезімін нығайтуға ықпал етті. Сонымен қатар, Астананың еліміздің тәуелсіздігі, бірлігі мен жарқын болашағының символы екендігін тағы бір мәрте айқындады.
Ақпарат көзі : https://www.gov.kz/memleket/entities/edu-shalakynroo/press/news/details/1254400?lang=ru
Жауап қалдыру Жауапты болдырмау