Батыс Қазақстан облысының санитариялық-эпидемиологиялық бақылау департаментінің ұйымдастыруымен қала және аудандық санитариялық-эпидемиологиялық бақылау басқармаларының мамандары, сондай-ақ медициналық ұйымдардың қызметкерлерінің қатысуымен бүйрек синдромды геморрагиялық қызбаның (БСГҚ) алдын алу мәселелеріне арналған семинар өтті.
Семинар барысында облыстағы БСГҚ бойынша қалыптасқан эпидемиологиялық ахуал жан-жақты талқыланды. Қатысушыларға аурудың клиникалық белгілері, ерте анықтау және диагностика жүргізу тәртібі, профилактикалық іс-шаралар, сондай-ақ күдікті жағдайлар анықталған кездегі медициналық ұйымдардың іс-қимыл алгоритмдері түсіндірілді.
Іс-шараның негізгі мақсаты – медицина қызметкерлерінің қырағылығын арттыру, БСГҚ-ның алдын алу және оған қарсы жүргізілетін санитариялық-эпидемияға қарсы іс-шаралардың тиімділігін күшейту, сондай-ақ ведомствоаралық өзара іс-қимылды жетілдіру.
Ақпарат көзі : https://www.gov.kz/memleket/entities/departament-kkbtu-zko/press/news/details/1255007?lang=ru
Жауап қалдыру Жауапты болдырмау